Rodeo

und desmoi homa ned nur zuagschaut, sondan i hob teilgenommen!!
es wor nur a spass rodeo, i hob keine ahnung, wer gwunga hod, oba es wor ziemlich spaaaß <3

S.

Graduation

Und das kleine kind ist erwachsen :P
oiso fois nextes joa in ösiland ned funktioniern soit, kaun i imma im amiland studieren :)

afoch nur a boa bilder ois eidruck ;)

S.

Newspaper Article

weil i so cool bin und aussadem ned na song kau, hobi an artikel fir d schülerzeitung üba prom schreim derfn^^

die grosse preisfrage - welchen satzteil hod d lehrerin umgeändert? :D

S.

Yearbook

So, s yearbook is da, und i bin sogor drinnen :D 

Oiso nur zwa moi, oba yearbook is yearbook :P

Des bin i mid meina Senior quote :D und jo, des bild is relativ scheisse, oba mei.
(und i bin grod drauf kuma, dass de des erste anfuehrungszeichen vergessen haum :O lulukinder de.)

Des is Who's Who, des is sowos wo Lehrer ernare besan schueler nominieren, und i bin drinnen mid - man staune - US History :') Ansonsten kennt ma von do nu in Paolo, in Morgen, d Taylor, und in Robert (des wor ana vo da Christmas Party mid dem i ueber lsd gred hob ^^)
Und nurmoi so zwecks liebe - mei Lehrerin in Geschichte hod ca 200 Schueler. und sie hod mi und in paolo ausgsuacht. i fuehl mi ziemlich geliebt, weil mid leistung hobi des sicher ned erreicht. des wa ziiiiemlich erbaermlich :O )

Und do is es ueblich, dass an ins Yearbook de freind olle wos einischreim und signieren und so, und do hobi scho a bissi wos banaund:

Kyndall und Amber - san beide ba mir bam lunch tisch :) 

Taylor - ma kunt quasi song sie is mei beste weibliche Freundin noch Andressa und Merrill :)

I hoff mid ia kau i in de Ferien nu wos doa, oba ia Papa is soooo oag streng; sie derf ned amoi im Tanktop rasenmaehen weil erna garten neben ana strasse is und waun sie si do buckt bam rasenmaehen und a auto foad vorbei, kunt ia jo wer ins dekollete schaun...

Und jo, Barak :)

I hoff, dass i do nu einige andere griag, oiso nimm is jz de ganze nexte woche nu mid, und schau, wer ma wos einischreim will :)

39 Tage nu :):

S.

Prom Outfit

So, i wor heit Shoppen mid da Merrill und do hauma wos gaunz wos nettes gfunden fia nexte woche ;)
Wers nu ned was - i geh mim Barak, weil da Paolo derf anscheinend ned. Und der wor z bled dassa ma des friha gsogt hed, oba mei, jetzt bast eh ois.

Vorm shoppen hods nu ghasn, ma soi fia a kleid scho mid 200 - 600 $ rechnen, oiso hobi mi dementsprechend teuer eigstellt.
Insgesamt is daun a bissi guenstiger ausgfoin, und i hob fia Kleid + Schmuck + Tasche + Schuhe ned amoi $200 zoid :3

Und des, obwoi i nie aufn Preis gschaut hob!! :O (aussa bei de schuach, de worn am schwierigsten...)

Und nun... man bestaune meine Auswahl :')

Do wern si a boa jetzt a weng schrecken - i in orange, mid 13 cm High Heels, des kennt ma jo eigentlich gor ned :D 

Schaut oba echt guad aus, muas i song :P Und des anzige, wos mi vom teuerigkeitsfaktor (mei deutsch is nicht wirklich mehr vorhanden...) schreckt im nochhinein, is da schmuck. der is oba do scho obagsetzt, des hed in wirklichkeit kost: 28 kette, 22 ohrringerl, 32 oamreifen. oiso do hobi ma eh a scho gscheid wos zaumgspoad ;) 

Wos sogts ia dazua? ;)

Foto vo mir damid gibz nextes Wochenende nochm Prom!! :3

S.

5. six weeks

damid ia wieder am neuesten stand der dinge saz, mei neuestes zeugnis :3 i hed ma eig docht, i fail geschichte, oba anscheinend hods do nu irgendwos gem und i bin geil :D

ansonsten duad si ba mir eher nix.. oiso eig duad si scho wos, oba es kumt ma vor wie nix ^^ nextes wochenende bini vamutlich ba da andressa, mid meim italiener hobi a wieda liebe und zumba dua i a regelmässig :D oiso ois suppa ;) 

aktueller countdown is 76 tage :3

S. 

ps. dauergrinser ahoi! :D

Ostern

A bissi spaet, oba i bin afoch zu faul dass i in laptop eischoit... I werd so Ami-maessig, es is a waunsinn^^

Auf jeden foi - ostern wor i.wie ned ostern. Wir haum am Samstag Eier gefaerbt - oiso i^^ - und am Sonntag sama daun zum Mittagessen noch Dallas zur Verwandtschaft gfoan. Do hauma daun gessn und daun sama zu Susan, Philip und William ham gfoan und do hod da klane lauta sinnfreie Geschenke griagt, mit denen er eh nix aufaunga kau, weil er nu z kla is.
Oba mei.
Des wor relativ fad. Daun sama wieda hamgfoan am Nachmittag, und da Troy hod de Eier fia mi versteckt (wos ned scha zum finden wor, nochdems ba uns sowos wie Buesche oder guade Verstecke ned gibt. Er hods ois meistens entweder neben an Baum oda auf an Baum glegt :D) Des wor voi liab vo erm.
Und jo, des wors daun.
Am Samstag am Abend vorha hobi nu mei eigenes Oesi-Ostern kobt, mid eichare ganzen Geschenke und Schokolade <3
Dankeschoen an alle, der schene Anhaenger is scho auf meim Armbandl und des hobi am Sonntag nach Dallas trotz Weste aukobt :P


De Woche do jetzt hod si eher nix dau, do haum Freshmen und Sophomores soiche Tests, deswegen fehlen in vue classen de schueler oder wir miasn raum wechseln weils drin testen, oiso hob i genau in zwa von 8 stund wos dau jeden tag. Wuhuu. ba mir gehts um ois glaub i :D

Und jo... plaene fia de nexte woche hobi jetzt eig ned wirklich... vllt dua i wieda moi Air Hockey spuen mim Barak (des is soo cool <3 ) oda i schau dass mi mei italiener eilod :P der is leider a weng a lulukind und hods eilona ned so drauf ^^

soo... des wors daun eig a scho wieder vo mir :D

S.

Sophie speaking English :D

Nochdem i jo immer wieder anfragen griag, ob i doch ned moi englisch ren kunt, oba i des ned zaumbring mid eich, gibz jetzt a andere moeglichkeit!

wie i bam paolo wor, hobi ans vo seine spiele probiert und er stellt so de videos wos er normalerweise mocht imma auf youtube, und do hoda des hoid a aufgnumma und do kauma des jetzt hoeren ;)
Meine Spielkuenste haums ned so drauf, oba ma herd mi hoid reden (a, waun i teilweise ziemlich leise bin - oba am schluss wirds besser, waun ma daun auto aussuachn und i daun am schluss man, dass ma da wand liebe gem muas xD des wor leicht peinlich^^)

Need for Speed: Woman Driver

Enjoy :P

S.

PS. Papa i red ueber di und dein Audi :3

und ein weiterer!

Liebe oma, alles gute! (:
Nicht verzagen ohne mi :-D

S.

6 weeks zeugnis ;-)

Suppa bini :3

S.

geburtstag die nächste

Im märz haum jo anscheinend ziemlich viele geburtstag - also ein weiteres happy birthday, desmoi andn opapa, und i gfrei mi scho auf paris! ♥

S.

geburtstagswünsche (:

Alles gute dem geburtstagskind, happy birthday gudrun!! (:

Zu meiner wenigkeit - i verbring des wochenende bei rosemary und dave clark, nochddem troy und jeani wo weg san... is recht nett, morgen schau ma si wahrscheinlich grease au *.*

S.

Prom Date

Lalala wer is geil und hod a date fian prom (sprich cooler ami maturaball)?! :-D
Iiich natürlich :-P
Und zwar werd i mim paolo geh, nochdem sei freindin schluss gmocht hod und er jz kan kobt hed :-P

Es is am 11.5. und es wird a thema gem, oba wos des sei wird was i nu ned, des muas erst irgendwer beschliessen :-D
Oba i hob a prom date (:

Leben (:

Weil ma jo vo mir in letzter Zeit eher selten wos head - tschuldigung, i vasurch, dass i wos zaum griag :D

Und deswegen schreib i jz a nu an eintrag obwois scho hoib zwoelf is und i hundsmiad bin.

de 150 seiten von denan i im letzten post gschrim hob, hobi natirlich an am dog gschofft, i bin a waunsinn :D
In Geschichte hobi gesteren a vo drei A's kobt, und sunst gehts ma in da schui a generell eha guad (wie imma hoid ;))

Ansonsten dua i im Moment a eha viel - vor oim in dera woche. Am Montag wori bam Paolo, der hod a baby koenigspython, in Hades, der is voi putzig :3
Am Dienstag hobi nix dau, am Mittwoch wori wieda bam Paolo, wir haum in Hades gefuettert ;)

Er schaut gressa aus, ois wie er is :D

Danoch wori wieda Kirche, und am Donnerstag noch da schui bini glei reiten gfoan. Allerdings hobi ka normale stunde kobt, weils in da nocht grengt hod und ma deswegen dort auf dem hof ned reiten haum kina, weil wer aundas in da halle wor. oiso hobi afoch zwa stund laung geputzt und daun hod d mel - mei lehrerin, sie is 19 - a barrel race kobt und do hobi d fancy - des pferd auf dem i reit - midgnumma, damid ma siacht, wie sie in so ana umgebung duad.

Des wor relativ cool, sie wor am aufaung komplet nervoes, oba i wor natirlich gaunz cool wie sa si kerd :P 

Es wor soo western - in dera halle san zum aufwaermen afoch olle gemeinsam irgendwie gritten, sprich um de 30 pferd in ana 20x60 halle, jeder a aundare gaungoat. und i mitten drin, es wor a spass :D

Und wie i an hunga griagt hob bin i mid ia ausigrittn, hob ma pommes kaft und de am pferd gessn :D Des wor relativ cool :P

Und heit wori mim Barak im Kino, Beautiful Creatures hauma si augschaut. Wor a ziemlich supa :)

Ajo und i hob endlich mein senior ring griagt (:

Jo, mei hand schaut fett und unvorteilhaft aus >.> oba da ring is schen *.*



oiso wie ma siacht - im Moment hobi ziemlich viel Leben, i hoff der Post do duad de allgemeine 'du meldest di nie' stimmung a weng abloesen ;)

S.

Ueberwindung der Faulheit

I wor jo bekannter massen in letzter zeit ziiiemlich faul, blogmaessig.
Deswegen werd i afoch moi a weng posten, wos si so dau hod in dem joa scho.

wos moi wesentlich is - i hob mi in da schui nie mid 2012/2013 vaschrieben :O Voi des Wunder :D
Weiters dua i jetzt wieder regelmaessig Barrel Racen, do reit i jetzt auf da Fancy, des is a gscheckte Quarter Stute mit ana immens laungen maehne *.* Und nochdem sie (zwar 14, oba) nu relativ gruen is, lern i do a wirklich, wos i mochn muas, des daugt ma recht.

so... in meim zimmer befinden sich grod mindestens 3 Nachtfalter/motten/whatever, weil i so a naturmensch bin und de balkontuere offen lossn hob.
Bei uns is naemlich warm draussen :P bin heute 6 stunden draussen gwesn (reiten und daun am balkon a weng faulenzn).

Ansonsten - i bin jetzt offiziell a senior ;) Se haums endlich gschofft, dass mi umschreim, nochdem i ca zehn moi ins Front Office zu meina counsellorin grennt bin und nochgfrogt hob xD

Jo... sunst duad si eigentlich nix... i soit 150 seiten fia a buach in bio lesn bis montag, oba mi gfreids i.wie ned. Najo, werd i scho morgen schoffn. 150 seitn... des is jo eh fost nix. auf englisch. in bio. wos sois :D

S.

Geburtstagswünsche

Nachdem der liebe Herr Onkel ja weder Whats app, noch facebook oder ein anderes mir bekanntes Medium hat, durch das man mit ihm in Kontakt treten könnte, werde ich es wohl über hier machen müssen.

Alles, alles gute zum Geburtstag, alter mann :-D
Genieß de jausn bam Fasl, sowos is keine Selbstverständlichkeit!

Berichte vo mir san auch in absehbarer zeit wieder geplant, i bin im moment nur a bissi faul...

S.

zeugnis (:

Wuhuu i hob mei erstes richtiges amizeugnis :3

Damid ia des a lesn kinz - SW steht für six weeks, S is semester und da rest wasi ned^^
Oiso es is eig nur de letzte zahl interessant.
Und geil wi i bin hobi oiso sechs A's und a B ;-)

S.

Bilder LA & so

So, und de bilder gibz jz, gauns exklusive und nur hier *muhahaha*

(hob grod a komische phase...^^)

Viiiel Spass :P

LA & Denver

So... eigentlich bini jo komplett unmotiviert zum Blog eintrag mochn, oba weil ses ia saz ;)

Oiiiso.
Zerst Text - dann Bilder.

Letzten Samstag is los gaunga - Flieger vo Wichita Falls nach Dallas, daun weita noch LA.
Am Samstag selba hauma si hollywood, beverly hills und so augschaut (oiso rodeo drive, de star dings strasse und so). Und in Hollywood kennens Tapenade! (Y) (des smiley is fia de des ned wissen a daumen, oiso thumbs up - daumen hoch ;))

Sonntag in da frua is daun Disney land gaunga. Oiso do san zwa Parks - s normale und s disney adventure. des wa s gscheidane gwen, oba do kumt ma imma erst am schluss drauf^^
S disneyland selba wor eh gaunz nett, oba hoid eher fia klane kinder. mehr themenpark hoid und sochn fian papa (stichwort one fish two fish).
Indn adventure park sama daun am nachmittag umigaunga und d jeani und i haum si glei ba da grestn ochtabau augstellt - in troy hods ned gfreid und aussadem hoda gmand, dassa in de sitze sowieso ned einipasst (wo a recht hod, hoda recht. i was jz, warum de imma first class fliang xD).
Wartezeit 50 min. Noch ungefaehr 40 minuten faungz zum troepfeln au. Wird imma mehr und mehr. oba wir haum si docht, wir stengan jz scho so laung, jz gema unsare pletz ned auf. oiso wort ma weita.
und genau wie wir einsteign, faungts au, dasses komplett owahaud. oba sowos von he. Des is a weng a scheiss gwesn, wei grundsaetzlich wa de ochtabau voi cool gwen, oba mim regn wors a weng oaschig. najo, oba bessa wie nix.
nocha hauma daun durchn regen zum auto zrug miasn - regen und hagel, wohl bedacht! - und meine fiass san in de schuach gschwumma. deswegen hobi nocha a neiche griagt. (ballarina. wie kau ma in sowos geh bitte?! oba i hob de gnumma weil i sowieso welche brauch. schoenheit muss leiden, so a scheiss he -.-)
Fazit - soiche parks haum an riesen nachteil fia d jeani: sie schoffts vom geh her fost ned. a bissi schwer aus da puste wors am schluss. (wobei ma song muas, dass sie wos mid iare fiass hod, de muass si si jz imma zuabickn mit leukodep und high heels auziang, weils do bessa wird^^)

Am Abend sama daun zum santa monica beach gfoan und haum dort obend gessn. Muhahaha - i touched the Pacific Ocean!! :P

Am Montag in da Frua is daun mit VIP pass ind universal studios gaunga. I sogs eich, waun ma s geld hod, soit ma si sowos kafn. des is vue geila ois normal^^
(halleluja i werd so verzong zrug kuma i sogs eich^^)
Oiso mit dem vip teil haums uns glei am aufaung gsogt - de karte mit vip miasts eich umhenga, daun siacht glei jeda, dass ia bessa saz ois se. (hahahaha :D)
egal. wir haum auf jeden fall a fuehrung griagt, de mid a boa achterbahnen augfaunga hod (insgesamt glaubi haums genau 4 oda so^^).
erstes wor des neue Transformers 3D. Kau ma vergleichen mit Superman in Orlando, grundsaetzlich genau des selbe, nur hoid mid aundara gschicht drin.
Daun wor nu Revenge of the Mummy - ebenfalls s selbe wie in Orlando, nur a bissi kuerzer und ohne de Feuerwand. oiso insgesamt schlechter. und daun wor nu jurrassic park, wo ma so an sexy regenumhang griagt haum. a genau des selbe wie in orlando (mim T-Rex, der am schluss vor dir steht und du foist obi bevor er di frisst).

Oiso vo de ochtabahnen a eha schwoch. (vor oim weils behauptet haum, dass aundas san ois orlando -.-)

oba daun sama zu de dreh orte gfoan, oiso do wos drehn (haha na echt^^). und des wor voiiii cool. wir san (VIP besonderheit^^) in am bus mit sitzheizung gfoan, und san hoid durch de strassen durchgfoan.
Do hods daun a des King Kong 3D gem, des wor eig wos neues, oiso do foast in a haus eini, da bus is auf schienen befestigt (oiso i hoff dasa befestigt wor!), da bodn bewegt si und de waende san leinwand fia 3D effekte. Und daun siachst hoid wie di dinosaurier fressen woin und king kong rettet uns.
Wos wieder gleich wie in Orlando wor, is der erdbeben simulator. Nur wors desmoi in ana ubahn station und mit wasser. oba da boden oben is wieder wegbrochen und a lkw obagrutscht. oiso des selbe.

Oba de drehplaetze worn geil. do hauma si unter anderem des haus vo Parenthood augschaut (na nu nie gherd, oba dama, wie waun des cool wa). und de drehplaetze vo Angels & Devils, daun der Endkampf in (i glaub) jurrasic park, an platz wo da justin bieber scho a musikvideo draht hod, haeuser vo desperate hauswives, und des rathausgebaeude aus zurueck in die zukunft.

Soviel zu de Universal. Am Abend hauma daun Rotary dinner kobt, do hobi in Rotary Chef vo da Welt kena glernt. Es is a Asiate.

An dem abend wor silvester. i bin um halb 11 ins bett. *shame on me*
oba anscheinend feiern de ned gscheid,. de amis. des mochns ois am 4.7.

am dienstag sama um 4:45 aufgstaundn, damit ma um 6 unsan parkplatz fia d roseball parade griang.
daun sama 2 stund in da oaschkoedn gsessn und haum gwoat bis aufaungt (na, ma kaun si do ned i.wo einisitzn. Hausverstaund + Ami = nichtvorhanden). und daun sama nurmoi zwarahoib stund dort gsessn waehrend da parade. de wor eig voi schen, oba vamutlich da ausloeser, warum i kraung worn bin.
oba i hob ueber 200 fotos gmocht :D

Dienstag nachmittag is irgendwie aus meim gedaechtnis verschollen. do hauma hotel gewechselt und nix dau, glaubi.

Mittwoch Flug noch Denver zu da jeani iare leid. oiso mama papa bruder. de haum si recht lieb, vor oim ia bruada und si^^ do merkt ma, dass de gschwista san :D
De drei dog worn fia mi relativ ereignislos, weil i mei kraunkheit weggschlofn hob (oder weggehandysuchtlt^^ xD so kraung kaun i oiso ned gwesn sei^^). oba jz gehts ma wieda fost perfekt gut, gesundheitlich :P

Und jetzt zu de Bilder... :)


... ok vagessts de bilder fia heid. i muas mein lappi zaumrama, ka speicha mehr -.-
oba i.waun kumans^^