TAKS Test & so on

Sodala, von mir herd ma a wieda mal was :P

De letzten paar Tage hob i ja TAKS Test kobt (fia olle, de ned wissen, was des is - besteht aus 4 Teilen: English, Mathe, Naturwissenschaften & Geschichte, und waun i des alles besteh, muas i nur mehr des Jahr positiv abschliessen und hobs Diploma. Der Test is ueber de letzten 3 Jahre High School - oiso wos ma normalerweise do so lernad, trifft fia mi jetzt ned zua. Des ganze is quasi sowos wie a Matura).
Und do werd i jetzt amal so berichten... :P

Tag 1 - Englisch.
Als erstes hauma zwei Texte griagt, de hauma lesen miasn und daun Fragen dazua beantworten (olle bis auf 3 Multiple Choice natirlich). Daun hauma selber an Text schreim miasn. Bis doher hauma a Woerterbuch benutzen derfn (natirlich nur English, fia mi jo ka uebersetzung damid jo olle gleichberechtigt san...). Und daun hauma weitere Texte griagt, wo Fehler drin woan und de hauma finden und ausbessern miasn (Multiple Choice...)
Wor grundsaetzlich relativ einfach, oiso i wuerd song - Bestanden mit 1-2 (oesterreich Note^^)

Tag 2 - Mathe.
55 Fragen, alles dabei: Arithmetik, Geometrie, und wos hoid sunst nu ois gibt. Teilweise woan echt einfache Fragen dabei (natirlich wieder Multiple Choice - der ganze TAKS Test besteht nur aus Multiple Choice Fragen^^), teilweise hod ma a weng nochdenken miasn.
Dank Elmar, Harreiter und Aichhorn hobi jo a suppa Grundlage kobt - Bestanden mit 1 wuerd i song :P

Tag 3 - Naturwissenschaften (Bio, Physik, Chemie).
Tjo... Jetzt faungts au, dass deppad wird. I man waun ma gerne Fragen ueber Endocrine Systeme beantwortet, besteht ma des sicher, sunst allerdings...
Oba i denk ma, i hobs a bestanden. Bei dem Teil is hoid so, dass in de Fragen teilweise bloede Woerter dabei san, de i ned versteh. (wobei i ma des schlimmer vorgestellt hob, nochdem i ma am Vortag nu soiche Woerter wie beschleunigen, Dichte, Dickfluessigkeit usw. auf english einizong hob :P)
I hob des Gefuehl, i hobs bestanden, 3-4.

Tag 4 - Geschichte.
I glaub es liegt afoch daran, dass i ka gebuertige Amerikanerin bin und glaub da Jefferson wor da President im Civil War.
Vielleicht oba a, weil in dem Teil unerwarteter Weise de bloeden Woerter dabei worn und i so beim ersten Durchgang genau 19 von 55 Fragen komplett unbeantwortet lossn hob weil i de Frage ned verstanden hob oder es soiche Fragen worn wie "Autor X, Autor Y, Autor Z (komplett unbekannt fir mi) schrieben ueber dieses grosse Thema: Migration im Gilded Age: Hungersnot im 1. Weltkrieg: bla: bla" Joooo :P
I man, i hob eigentlich a a gutes Gefuehl und immerhin hod ma jo a 25:75 Chance :P
Oiso vielleicht hab i bestanden.

Heid hob i daun nu helfen miasn, mei Zeugnis aus Oesterreich z uebersetzen - des haum de nu immer ned dau, daher bin i doch nu ka Senior - und na, de Amis san ned irgendwie langsam oda faul oda so, i glaub des kumt uns oesterreicher afoch nur so vor -.-

Weiters hob i heit mei erste Englische Praesentation kobt. In Business. Power Point.
Eigentlich wa i nummer 4 gwesen, oba nochdem nummer 1, 2 und 3 heid ned do worn, hob i anfangen derfn. Hob mi natirlich voi drueber gfreid, weil de angaben genau worn, dass ma presentieren miasn, de presentation soid gut sei und lustig (Lustig. A praesentation ueber Auswirkungen von Technologie auf unser Kommunikation. De Ami Lehrer san so komisch!). Nochdem des jo wirklich sehr viel Information is, hed i natirlich ned gehofft, dass i ma nummer 1, 2 oder 3 auschaun kau und daun entscheide, wie is moch. Na i hob natirlich glei anfangen derfen -.-
Oba i sog eich wos - es ueberrascht eich vamutlich ned - i wor ziemlich suppa :P Waun i desselbe daheim gmocht hed, hed i sicha zu wenig Blickkontakt, zu komisch dogstaundn usw kobt, oba do wors afoch nur 'you did really good! Good job! Great!' ... ^^


Oiso i wuerd grundsaetlich moi song, i hobs drauf :D

S.