Thanksgiving

Heit wors dann endlich so weit - Thanksgiving a la Amerika :D

Mei Tag hod scho moi ganz guad augfaunga - d Rosemary Clark (des is ane vo Rotary) hod mi eingeladen, mit ihr und ihrer Familie zu Fruehstuecken. Bei denen is es nemlich Tradition, dass jeden Thanksgivingmorgen indn Lucy Park foan, und dort daun Picknicken (natuerlich auf ana Bank und ned auf ana Decke am Boden...).

Vorher hauma nu Enten und Gaense und so gseng und gefuettert, und nocher hom da Dave (des is ia mau) und iare zwa Enkelkinder (11&12) mit mir nu an Spaziergang gmocht durchn Park zu de Wichita Falls (oiso wasserfall, nochdem de Stadt benannt worden is). 

Des wor afoch sooo schen *.* Der Park is soo geil, er is a bissi vawochsn teilweise, und ned so gruen (oiso eher braun xD), oba des hod voi wos :P

So weit, so gut. 

Gegn Mittag hobi daun Harley-Davidson Ausfahrt mim Jason kobt, des wor a recht interessant. (Ok, es wor afoch sooo geil, so a Maschin hod a bissi mehr drauf ois mei klans Mopal xD) 

Und gegen halb 3 hauma daun zum Truthahn essen augfaunga. In ganzen Truthahn hobi nie zu Gesicht bekommen, i glaub oba scho, dassn oisa gaunze gmocht haum (haums zumindest behauptet). Oba wie i daun des midgriagt hob, wor scho ois aufgschnitten und so (i hob ma jo docht, des duad ma am Tisch, oba is anscheinend ned so). 

Und daun hauma gessn - Truthahn, so a Bohnenauflauf, Kartoffelpueree, Brotbrei (Stuffing/Staffing oda so), Reisfleisch/Risotto/wosauchimma vo gestern, zwei verschiedene Saucen, uuuund (jz kumt - i hob imma scho gwusst, teilweise hauds de amis soo den schera ausa, oba echt o.O): Sweet Potatoes. Des san Kartoffeln mit ... Marshmallows :O Mutig wie i bin, hobis natirlich gekostet. Reidig hoch 10 :D

Oba da Rest wor dafia voi guad ;) Allerdings ned wirklich wos spezielles, a normales essen mit viele Beilagen hoid.

Jo und daun hauma si s Footballspiel augschaut (oiso i hob handy gsuchtlt, und de aundan haum grossteils William gsuchtlt^^) und daun wors a ganz normaler Tag wie olle aundan a^^

Morgen is Black Friday, des hast ois hod Abverkauf und ois billig und ob mitten in da Nocht stengan d Leid vor de Laeden damits de ersten san in da frua. Laut Barak stirbt jedes Jahr mindestens a Person :O (oiso ned in Wichita, sondan in gaunz Texas oda so. Letztes jahr haums ane in Dallas zu Tode getrampelt ...) 

Nochdem i kane leid gfunden hob, de si des mid mir audoa woin, loss is entweder bleiben oda i ueberred d Jeani :D I brauch eh Ballerinas fia d Hochzeit am Samstag... (frogz mi ned, wer heirat, oba i will mei gelbes Kleid anziehen und meine normalen Schuach kau i do ned wirklich dazua auziang und d Stoeckelschuach schaun a a weng grindig dazua aus... oiso brauch i welche :P) 

Tjo, des wors eigentlich scho wieda. Is eh relativ viel worn :P 

A boa Fotos jz zum Schluss nu... 

Gala-Dinner ?!

Heit (gestern^^) wor i mid da Jeani auf am Gala Dinner, dessen Sinn und Zweck es wor, Dinge zu versteigern. Allerdings hod si herausgestellt, dass des sogenannte 'Gala'-Dinner so gor ned wirklich recht des wor, wos si wir unter Gala vorstellen^^

Wie ma hinkuma san, wor jo eigentlich nu ois recht normal. Oiso ois schen aufdeckt, de Auktions-Dinge auf am langen Tisch praesentiert, Mauna grossteils im Sakko, Frauen Hosenanzug oda Kleid (allerdings 90% kurzes Kleid und kein einizge ohne Traeger. Mei blaues Debuetantenballkleid hod zu de mid 'viel Ausschnitt' kherd wuerd i schaetzen)
Ok, glei zum Anfang moi - des Thema wor 'Greek Night'. Oiso griechisch.
Daun homs mid am Programm augfaunga - meiner meinung noch schlecht koordiniert, de Programmpunkte worn imma waehrendm essen und ned in de pausen -.- - as ersas a Ausschnitt aus der Nussknacker, oiso Ballett. Wor ned moi so schlecht, oba i glaub es worn kane Profis.
Dawei hauma d Vorspeise kobt - Mini Shrimp Gyros, Margarita Pizza mit Feta & a komisches Tzatziki.
Und daun sans - nochm Salat (Gemischter Gruener Salat eingewickelt in Gurkenring) - augfaunga, dass mit Bauchtaenzerinnen einakuman. Natirlich waehrendm Hauptgericht (Huehnchenbrust gefuellt mit (komischer) Tapenade und Feta Kaese, Lammkarree und Zitronen Minz Orzo und Spargel - boa des hod gschoeffid, a waunsinn).
Und i hed ma imma docht, Texander san pruede!
Do is ma do in ana durchaus wohlhabenden Gesellschaft und i hed ma eigentlich scho grundsaetzlich ... vornehmes Benehmen erwartet, oba daun faungan auf oamoi au, dass de Bauchtaenzerinnen zu de Mauna hintanzen, de stecken erna s Geld indn BH oda indn Rock wie in am Strip lokal :O Und zu guter letzt haum si de Taenzerinnen daun nu auf irgendwelche - nicht abgeraeumte - Tische gestellt und getanzt. Joooo... do hods augfaunga, dass wunderlich wird.
Nocher hods daun Zwischengang geben - Komische Melonen gefrorene Teile - und daun haums mit griechischem Folk-Tanz augfaungt, wo jeder mitmochen kina hod. Hod mi a bissi an de Titanic-Szene erinnert, wo d Rose mit de unterschichtler tanzt... ^^
Irgendwann worn daun (meiner Meinung noch, aundas gibz des ned) olle scho a weng betrunken und haum Porzellanteller auf de Tanzflaeche kaut, wos olle recht daugt hod.

Jo, so weit, so gut. Dazwischen hod imma wieda a normale Band gspielt (haha dank papa hob i glaubi 80% der lieder kennt, ois so pretty woman zeitalter^^) und do hod ma tanzen kina (wos i mid Merrill und JT (ian Freind) dau hob.

Oba i glaub des Highlight des Abends wor daun ziemlich am Schluss (gegen halb 12^^), wo auf oamoi a komischer komplett bsoffener daher kuma is (ueberraschung - deutscher :D) und mit dem hobi mi daun a weng unterhalten, nummern ausgetauscht und er hod gmand i muas mid erna (do gibz anscheinend voi vue davo^^) wos unternehmen, se haum olle moeglichen Deitschen sochn - wirschtl, brot, usw.
I muas mas nu ueberlegen, ob is moch oda ned :D I glaub, er is um de 25 und hoit mi fia mind. 21, nochdem er ma an Ouzo angeboten hod xD (song ma so, er hod ma sei glasl gem, nochdem ers nimma trinken woit^^)

Tjoo, soviel zu meim Abend :D

I bin grod (haha es is scho fost ans :D) relativ hyperaktiv, deswegen moch i den Blogeintrag jz nu.
Wauns mi gfreid, dass i d Fotos vom Handy moi wieda umispiel, gibz a Foto von da Speisekarte - halleluja, i kunt sooo viel an dem Essen kritisieren! Oiso ned an de Speisen allgemein, sondern eher an da Umsetzung, am Herrichten, an de Zeiten dazwischen, an da Speisekarte, ... :P
Andere Fotos gibz leider ned, nochdem i gesittet und gut erzogen sei woit und ned mit Blitz fotografieren woit. Und fia ohne wors zu finster (nexter Verbesserungspunkt xD)

Oiso - i schau jz, dass i ins Bett kum, oder besser, dass i schlof. im bett bin i jo scho :D

S.

Freunde :D

So, i hob jz offiziell Freunde :D
I wor nemlich heit mit a boa von da Kirche gaunz ausserdualich (oiso ohne kirche^^) essen, und danach san nu a boa von denan mid mir durch Wichita Falls gfoan und haum ma a boa dinge zagt (oiso grossteils sama gfoan und haum nix dau, wos recht a spass wor :D)

vlnr: Alex, i, Baylee, Beth, Taylor, Bailey

Um 7 hauma si ba Chili's troffen, daun hauma zirka bis 9 gessn, und daun sama bis kurz vor 11 in da Gegend herumgfoan, woan bam Sonic, im Reichen-Viertel, san ueber Huegel gfoan, im Nichts gwesn (oida keine Ahnung, wie de do wissen, wos san, es schaut afoch ois gleich aus^^), komische Menschen begegnet de auf da Strasse schlafen damids Geld fia an guten zweck sammeln, wir haum noch weihnachtsbeleuchtungen ausschau koidn, se haum ma an hawara auf fb zagt dens geil findn (mittelmassig wuerd i song - oba in echt soi er besser sei xD), wir woan ba da Taylor iara schui, und haum generell sehr viel spass kobt :D

S.

Barrel Racing

Heit wor i auf am Barrel Race Turnier - natirlich bini selber (nu) ned geritten, sondern hob nur zuagschaut. Wor recht interessant, a weng laungwierig weil ma scho sehr frua do worn und si daher aundathoib stund aufwaermen a gem haum :D

Bilder san leider ned so guad worn, nochdem de olle so schnell san und fotographieren daher ned soo guad hihaut.
Trotzdem a boa Eindruecke:

(Videos folgen vllt waun is uploaden schaff ...)

So ... nur a boa kleine Schnappschuesse :P

Gestern wori uebrigens selber Barrel Racen, und davon duad ma heid da gaunze Ruckn weh weil i so an Muskelkater hob >.< Oba soo geil is des *.*

S.

Heiratsantrag :D (und frische Luft & Personenuebersicht!)

Man glaubt es, oder auch nicht, aber auch junge Texaner machen Heiratsantraege!
Und natuerlich wird ned jeder X-Beliebigen einer gemacht, sondern speziell oesterreichische Austauschschuelerinnen scheinen sehr begehrt zu sein :P

Na und jz ernsthaft - heit hobi wirklich an Heiratsantrag griagt :D Ana aus meiner English Klasse is noch da Stund so zu mir kuma mid seim Freind, ob er mi irgendwaun amoi heiratn derf und waun er mir an Ring kaft, ob der billig sei derf oda teuer sei muas. (drei moi derfts rodn, wos i gsogt hob :))

Waehrend meina nexten Stund isa daun irgendwann moi eina ind Klasse (wei wir haum nur Englisch gemeinsam, und in dera nexten Stunde (CAPs - relativ unwesentlich) kumt entweder er oda sei Freind maunchmoi eina weils im lehrer wos bringen miasn), nimmt schnell so mei Haund und mand wieda dass in jo heiratn soid :D

Oiso i wuerd song, i bin jetzt verlobt xD (und waun des mim heiraten nurmoi angesprochen wird von erm, wos i jo vermute, daun sog i erm eh, dass waun er mi heiraten will, dass er mid noch oesterreich kuma muas, daun hobz ia a olle wos davon :))

Und nu a kleines Bild zum heutigen Nachmittag - i hab ma jo vorgenommen, dass i a weng mehr Zeit an der frischen Luft verbringe, deswegen hobi ma heute a Buch (von Creative Writing, auf Englisch natirlich^^) gschnappt und hob mi zum Nachbarteich umikaud :P
So schaut des ganze daun ungefaehr aus:

Tjo, soviel zu Heute :P

S.

PS. Es hast zwar No-Datin, allerdings hobi nirgends wos vo No-Marriage glesn!
PPS. Personenuebersicht - damid keiner die Uebersicht verliert ;) (und man verzeihe mein erstes Psychologie aka Phychologie^^)

wuhuu, es hat endlich funktioniert! I hab was zum Reiten (richtig reiten!) gefunden!
Und zwar hast des ML Performance Horses und wird von einer Melanie gefuert, de, waun i mi ned verrechnet hob, guade 19 sei derfad ?!
Und dort dua i Barrel Racing lernen jetzt (des is des wo a Pferd im Vollgalop um drei Tonnen rennt).
Des is afoch viiiiel besser ois Whispers of Hope, a, waun i ma Western reiten irgendwie a bissi einfacher vorgestellt hob^^ Liegt oba vermutlich am Pferd, i hob am Anfang natirlich a Schulpferd griagt wo a klane Kinder drauf reiten (oiso brav, obwohl des erst 4 is!!), und do muas ma gscheid mid de Sporen eini damit do wos geht.
Am Anfang jetzt amal dua i nur im Trab, oba noch an zeidl kina ma daun a im Galopp und noch a paar Monate kaun i mid ia auf Turniere gehn wenn i will, hods gmand :P
Am Sonntag is eines wo sie mit macht, des schau i ma vermutlich an.
Des einzige, wos ned so toll an dem ganzen is, is der Preis - 35$ pro Stunde. und in dera Stunde is Pferd fertig machen miteingerechnet, des hast a guade dreiviertel Stunde reiten, waun ueberhaupt. Allerdings frog i, ob i irgendwo helfen kau, damit des billiger wird :D (nochdem i ma des selber zahlen muas^^)

Ramona :)

Weiters gibt es zu sagen, dass i in de letzten drei Tage extrem sportlich wor (fia meine Verhaeltnisse natirlich), des hast, am Freitag hobi so a Workout ausm internet gmocht (do hobi heid nu an Muskelkater), gestern wor i am Laufbandl und hob daun a nu a Workout ausm internet gmocht (nexter muskelkater) und heit wor i gaunze  45 Min am Laufbandl, 2.5 meilen und ueber 500 Kalorien (i trau allerdings dem Kalorien zaehler ned - do hed i jo i.waun moi Gewicht oder so eingeben miasn, damid des funktioniert, oda? Und des hobi nie dau, oiso kaun des ned so gaunz stimmen...)
Oiso fleissig wor i scho :D

Und bei mir is jetzt auch endlich Winterzeit, oiso hauma wieda de 7 Stunden unterschied...

S.

Geburtstags Rezept

So, genau genommen is jo nu da 1.11., oiso hob i ma dacht, zur Feier des Tages (Happy Birthday, Oma!) stell i do moi mei erstes Ami-Rezept eina :)

Es hast Thunfish, Macaroni & Peas und is bis jetzt mei Lieblings selber gemachtes Essen do :P
Mengen angaben hobi kane higschrim (1. weil ma ois variieren kau und 2. weil des sicher ned stimmen dad wos ma do braucht und wos ia brauchn dads^^). I sog nur so viel - waun wir do herueben zu dritt essen, brauch ma zwei Dosen Thunfish. Und den Rest kauma dazua geben, wies an grod beliebt ;)

Viel Spass beim Ausprobieren! ;)

S.