Mei Tag hod scho moi ganz guad augfaunga - d Rosemary Clark (des is ane vo Rotary) hod mi eingeladen, mit ihr und ihrer Familie zu Fruehstuecken. Bei denen is es nemlich Tradition, dass jeden Thanksgivingmorgen indn Lucy Park foan, und dort daun Picknicken (natuerlich auf ana Bank und ned auf ana Decke am Boden...).
Vorher hauma nu Enten und Gaense und so gseng und gefuettert, und nocher hom da Dave (des is ia mau) und iare zwa Enkelkinder (11&12) mit mir nu an Spaziergang gmocht durchn Park zu de Wichita Falls (oiso wasserfall, nochdem de Stadt benannt worden is).
Des wor afoch sooo schen *.* Der Park is soo geil, er is a bissi vawochsn teilweise, und ned so gruen (oiso eher braun xD), oba des hod voi wos :P
So weit, so gut.
Gegn Mittag hobi daun Harley-Davidson Ausfahrt mim Jason kobt, des wor a recht interessant. (Ok, es wor afoch sooo geil, so a Maschin hod a bissi mehr drauf ois mei klans Mopal xD)
Und gegen halb 3 hauma daun zum Truthahn essen augfaunga. In ganzen Truthahn hobi nie zu Gesicht bekommen, i glaub oba scho, dassn oisa gaunze gmocht haum (haums zumindest behauptet). Oba wie i daun des midgriagt hob, wor scho ois aufgschnitten und so (i hob ma jo docht, des duad ma am Tisch, oba is anscheinend ned so).
Und daun hauma gessn - Truthahn, so a Bohnenauflauf, Kartoffelpueree, Brotbrei (Stuffing/Staffing oda so), Reisfleisch/Risotto/wosauchimma vo gestern, zwei verschiedene Saucen, uuuund (jz kumt - i hob imma scho gwusst, teilweise hauds de amis soo den schera ausa, oba echt o.O): Sweet Potatoes. Des san Kartoffeln mit ... Marshmallows :O Mutig wie i bin, hobis natirlich gekostet. Reidig hoch 10 :D
Oba da Rest wor dafia voi guad ;) Allerdings ned wirklich wos spezielles, a normales essen mit viele Beilagen hoid.
Jo und daun hauma si s Footballspiel augschaut (oiso i hob handy gsuchtlt, und de aundan haum grossteils William gsuchtlt^^) und daun wors a ganz normaler Tag wie olle aundan a^^
Morgen is Black Friday, des hast ois hod Abverkauf und ois billig und ob mitten in da Nocht stengan d Leid vor de Laeden damits de ersten san in da frua. Laut Barak stirbt jedes Jahr mindestens a Person :O (oiso ned in Wichita, sondan in gaunz Texas oda so. Letztes jahr haums ane in Dallas zu Tode getrampelt ...)
Nochdem i kane leid gfunden hob, de si des mid mir audoa woin, loss is entweder bleiben oda i ueberred d Jeani :D I brauch eh Ballerinas fia d Hochzeit am Samstag... (frogz mi ned, wer heirat, oba i will mei gelbes Kleid anziehen und meine normalen Schuach kau i do ned wirklich dazua auziang und d Stoeckelschuach schaun a a weng grindig dazua aus... oiso brauch i welche :P)
Tjo, des wors eigentlich scho wieda. Is eh relativ viel worn :P
A boa Fotos jz zum Schluss nu...
 |
| in Texas is des a Schwan... ^^ Allgemeinbildung hoch 100 glaubi :D |
 |
| The Wichita Falls |
 |
| I hob mi sooo gfreid wie is gfunden hob <3 Mei letztes 4blaettriges is soo laung aus! |
 |
| Wa jo ned so, dass s Wasser dreckig wa.. |
 |
| Harley Davidson <3 |
S.
1 Kommentare:
Jo de fotos san wirklich schen - de von de wichita falls san jo eh de meisten werbefotos von da stodt.Thanksgiving horchd se nett oba ned so voi spektakulär au. und da black friday, der is schon entscheident: mit dem faungt de offizielle weihnachtseinkaufssaison au - und je noch dem, wie viel de leute do kaufen (mehr oder weniger als im vorjahr), so verhalten sie sich daun beim gaunzen weihnachtseinkauf. Oiso nix wia hin zu geschäfta und aussi mit dem rubel.....
Kommentar veröffentlichen